تسولف لي عن الضيقهـ وانآ كلي ألم وأحزآن

تسولف لي عن الضيقه وانا كلي ألم وأحزان
أنا من وين ماناظر بعيني شفت ضيقاتي..

تسولف لي عن الضيقه وأنا عنوان للحرمان..
دخيلك لادخيل الجرح لاتكشف معاناتي..



حبيبي‎ ‎لاتشجعني أسولف وأكسر الكتمان
تعبت من السكوت الي تعود يسكن بذاتي

عليم الله مافيني شبر يضحك فرح وأشجان
وأنا لو جيت ابضحك لك اجيك اضحك بدمعاتي


حياتي شعر(ن) وشاعر وجمهوري بقايا انسان
ونقادي زمن قاسي ولايفهم كتاباتي

اناظر للبشر حولي أحد يضحك ..أحد طربان
وانا صعب(ن) علي أضحك أسايرهم بضحكاتي




عجزت أكذب على نفسي بفرحه مابها ألوان
وحزني ماعجز عني بدا يرسم نهاياتي

طريقي صعب وجروحي كثيره وداخلي ضميان
ابي لو يوم واحد احاول أجمع شتاتي



انا قصه تبعثرت في زمن خوان
تعلمت أخسر البسمه وأداري عضة شفاتي

أبكتبلك وبالخط العريض وريشة الفنان
أنا الخسران توقيعي وانا الخسران بصماتي


أكمل لك عن الضيقه?ا كملك عن الاحزان ؟
تأكد لو بكمل لك تصيح وتطلب سكاتي


كلمــآت عجبتني فنقلتهــآلكم ^ ^

الله يعطيك الف عافيه احلاهم واتحداهم

قصيدتك خياليه :D

ننتظر جديدك

تسلم تقبلي تحياتي